Protesta e opozitës, policia merr masa: Ja akset rrugore që do të bllokohen

Nesër në orën 09:30 do të nisë protesta e opozitës.

Si pasojë policia ka marrë masat për mbarëvajtjen e situatës.

Burime zyrtare nga Drejtoria Vendore e Policisë së Tiranës  shprehen për Fax News se duke filluar që nga ora 22:00 e mbrëmjes së sotme disa rrugë do të jenë të bllokuara.

Protesta organizohet nga PD-LSI dhe ka si synim kundërshtimin e zgjedhjes së Kryeprokurorit të përkohshëm me votat e shumicës.

Njoftim i policisë

Në kuadër të zhvillimit të protestës të subjektit të Partisë Demokratike, më datë 18 Dhjetor 2017, ora 09.00 -13.00, para Parlamentit, Drejtoria Vendore e Policisë Tiranë, ju bënë me dije se:

Duke filluar që më datë 17.12.2017, në orën 22:00 dhe deri në përfundimin e protestës ditën e nesërme nuk do lejohet lëvizja e mjeteve në rrugët e mëposhtme:

Rruga “Xhorxh Bush” ( nga Ura e Elbasanit – kryqezimi tek sheshi “Sulejman Pasha”

Spostimi te rruga “Xhorxh Bush” dhe rrugicat që kufizohen me të do filloj nga ora 22:00 e datës 17.12.2017.

Nesër nga ora 07:00 deri në përfundim të protestës në hyrjet e qytetit dhe brenda unazës se mesme nuk do lejohet qarkullimi i mjeteve të tonazhit të rëndë të cilat do devijojnë në Unazën e madhe dhe rrugë të tjera alternative.

Do ketë devijim të trafikut në shumë akse rrugore.

Mjetet e transportit të ardhur nga rrethet  nuk do lejohen në brendësi të qytetit dhe do te parkohen:

• Tek Terminali në rrugën e “Elbasanit”
• Sheshi “Shqiponja”, rruga “Teodor Keko”.
• Në hyrje të Kombinatit deri tek varrezat e Kombinatit.

Gjithashtu do te ndalohet futja e mjeteve tek Ura e “Paskuqanit” dhe ura e “Babrroi”.

I sugjerojmë qytetarëve të largojnë mjetet e tyre në rrugët e sipërcituara duke  lehtësuar së tepërmi punën e policisë.

Në të kundërt mjetet do spostohen me mjete ngritëse.

Gjithashtu luten qytetarët që të shmangin përdorimin e panevojshëm të automjetit ditën e neserme si dhe segmentet që të lidhin me qendren e qytetit dhe rrugen e Elbasanit për shkak te devijimeve dhe kufizimeve që do fillojnë nga ora 08:00 e mengjesit deri në përfundim të protestes.

(F.M/Faxweb)