Protesta e opozitës, zbulohet skenari që do të ndiqet ditën e nesërme (FOTO)

Zbulohet plani i opozitës për nesër protestën që është paralajmëruar të zhvillohet ditën e nesërme në orën 09:30.

Ndryshe nga protestat e mëparshme, që janë përqendruar tek hyrja kryesore e Parlamentit, opozita ka një plan tjetër për nesër.

Një zyrtar i lartë i opozitës e konfirmoi këtë, duke thënë se plani ka për qëllim të paraqesë një parlament që funksionon vetëm me forcën e blindave dhe dhunën policore kundër protestuesve.

Sipas hartës, e cila u është shpërndarë disa përfaqësuesve të PD, pikat e rrethimit janë secila prej rrugëve që lidhet me Parlamentin: hyrja kryesore, hyrja nga qendra tregtare Toptani, hyrja nga ish selia e Partisë Demokratike, hyrja nga rruga tek Bashkia, hyrja nga Pedonalja dhe hyrja nga unaza, pranë PD.

(F.GJ/FAXWEB.AL)