Ditën e shtunë në 13 Maj pritet të mbahet protesta e opozitës që është paralajmëruar të jetë një nga më masivet. Pavarësisht se opozita ka theksuar se do të jetë paqësore, për ambasadën amerikane duhet që qytetarët të jenë të kujdesshëm.
Në një njoftim të saj Ambasada lajmëron se protesta do të nis nga Selia e Partisë Demokratike drejt Bulevardit. Pavarësisht se mund të jetë paqësore, çdo ngjarje thotë Ambasada mund të shkojë drejt konfortimeve.
‘’Shmangni zonat e demonstratave dhe ushtroni kujdes nëse ndodheni në afërsi të ndonjë tubimi të madh, protestave ose demonstrimeve. Tubimet e mëdha publike mund të ndikojnë në të gjitha arteriet kryesore hyrëse të qytetit në të cilat ato ndodhin.
Demonstratat në një qytet kanë potencialin për të udhëhequr në mitingje të tjera publike ose demonstrata në vende të tjera rreth qytetit dhe vendit. Shqyrtoni planet tuaja personale të sigurisë. Ruajtja e një niveli të lartë të vigjilencës dhe marrja e hapave të duhur për të rritur sigurinë tuaj personale dhe për të ndjekur udhëzimet e autoriteteve lokale.
Qytetarët e SH.B.A.-së duhet të shmangin zonat e demonstratave dhe të tregojnë kujdes nëse ndodhen në afërsi të ndonjë tubimi të madh, protesta apo demonstrime. Edhe demonstratat që synojnë të jenë paqësore, mund të kthehen në konfrontime dhe të përshkallëzohen në dhunë’’, thuhet ndër të tjera në njoftim. (E.K/SHUPLAKA)
