I ftuar në studion e Fax News, Erion Delvina, specialist për mediat, u shpreh se këshillat studentor janë shmangur nga kjo protestë, sepse janë shtresa të ndryshme dhe në numër të madh studentësh që nuk po gjejnë zë aty.
Sipas tij, formalisht nuk janë kryer zgjedhje për këshilla studentor dhe kjo mbase ndikon që të mos kenë një zë të unifikuar. Studentët – tha ai – duhet të kenë mundësinë e të qënit të përfaqësuar si njerëz të jetës universitare.
Sa u përket grupimeve apo individëve që marrin pjesë në protetën e studentëve përpara Ministrisë së Arimit, Delvina u shreh se, – “Aty mund të ketë njerëz që vijnë nga shtresa të ndryshme të shoqërisë që vijnë aty për të shprehur atë që kanë për të shprehur. Nuk kanë munguar precedentët për formimin e diçkaje politike në të shkuarën duke e përdorur pakënaqësinë e të tjerëve. Por kjo lëvizje duhet të jetë e hapur, të gjithë të vijnë aty dhe le ti ndjekin secili synimet e tyre. Kjo nuk është e dëmshme”.
Delvina tha se duhet të ketë një komunikim dhe bashkëpunim të brendshëm midis studentëve.
Ai tha se lëvizja për universitetin, është më konsistentja në çeshtjen e arsimit.
Duke folur për debatin e fenomenit të plagjiaturës në nivelet më të larta të pedagogëve dhe përfaqësuesve të politikikës ai u shpreh se plagjiarizma nuk është i vetmi problem në doktoraturë, ato po përdoren politikisht, pasi jo të gjitha plagjiarizmat janë të tilla por kanë probleme shkencore, statistikore dhe studimore.
Delvina shtoi se trupa e padagogëve duhet të dalë në skenë sepse ka akademik të cilët vlejnë shumë më tepër nga sa ne i njohim.
Sipas tij, kërkesat studentore dhe ky moment është historik, e mira është që presioni të rritet, sepse kjo u shërben të gjithëve.
“Kjo protestë do të prodhojë një produkt dhe produkti do t’u shërbejë tre dekadave të ardhshme. Jo të gjithë zërat kanë dalë në këtë protestë, tani është momenti që të dalin të thonë atë që kanë bluar gjithë këtë kohë. Nuk parashikoj dot se çdo të ndodh nesër, sepse ngjarjet mund të rrjedhin jashtë parashikimeve. Jetojmë në epokën e komunikimit e cila shmang tjetërsimet, shtrembërimet dhe manipulimet. Sot njeriu mund të jetë ashtu siç është përmes rrjeteve sociale,” – tha Delvina.
(F.GJ/FAXWEB.AL)
