Protesta 1-orëshe e studentëve të Korçës ka sjellë dhe reagimin e Rektorit të Universitetit, prof. Ali Jasharit.
Prof. Jashari tha që protesta e studentëve dhe kërkesa e tyre për krijimin e vëndeve të punës vjen me të drejtë dhe se për këtë gjë Universiteti i Korçës po merr disa masa.
Një nga masat që Universiteti po ndërmerr sipas rektorit Jashari është dhe krjimi i kurrikulave të reja universitare dhe ndryshimi I atyre egzistuse në bazë të nevojave të komunitetit.
“Thelbi i protestës 1-orëshe të studentëve të Korçës ishte mungesa e vendeve të punës pasi ata mbarojnë fakultetin. Unë mendoj që studentët kanë të drejtë.
Universiteti mund të bëjë shumë për të rritur mundësinë e punësimit duke hapur programe të reja për të cilat ka nevojë rajoni i Korçës.
Dmth programe që i përgjigjen nevojave që ka ekonomia dhe shoqëria në këtë shkallë zhvillimi në të cilën ndodhemi aktualisht.
Kemi filluar duke hequr dorë nga programet tradicionale në të cilët jane diplomuar me mijëra studente dhe duke hapur programe të reja.
Këtë vit akademik janë hapur 15 programe të reja, që janë programe 2 vjeçare me karakter professional për të cilat ka nevojë rajoni i Korçës.
Sepse ishte një kërkesë e komunitetit dhe të arsimit parauniversitar.” tha Jashari.
Më tej rektori thotë që po përgatitet baza ligjore nëpërmjet së cilës do të vlersohen titujt e pedagogëve dhe që studentët do të kenë literaturën e nevojshme në bibliotekat e Universiteteve të tyre.
“Po përgatitet bazat ligjire në të cilat do të mbështeten vlersimi I gradave dhe titujve të pedagogëve.
Kemi evidentuar të gjitha nevojat në tekste që fakultetet kanë nevojë. Studentët do ti kenë tekstet në bibliotekat e fakulteteve.” përfundoi rektori Jashari.
Discussion about this post