Pas tensionimit të situatës në protestën e opozitës përpara kryeministrisë ka reaguar dhe ministri i brendshëm Sandër Lleshaj. Përmes një postimi në rrjetet sociale, Lleshaj fton qytetarët që të distancohen nga aktet e dhunshme.
Ministri Lleshaj në twitter:
Me Molotov nuk ndërtohet demokracia, por synohet të shkatërrohet Shqipëria. Por kjo gjë është e pamundur!
Ftoj qytetarët e përgjegjshëm të distancohen nga sulmi ndaj institucioneve. Askush nuk mund ta djegë Shqipërinë përsëri!
Kujtojmë se deri tani dy persona janë lënduar në protestë, një prej të cilëve është transportuar me urgjencë drejt spitalit.
Ndërkohë kryedemokrati Lulzim Basha iu ka bërë thirrje protestuesve që të qetësohen, dhe të mos qëllojnë në drejtim të policisë.
‘’Nuk ka gaz lotsjellës e brutalitet policor ta ndalë e ta shpërndajë vullnetin tonë sot. Bashkohuni miqtë e mi, vëllezër e motra. Protesta vazhdon e do të vazhdojë. Beteja do të vazhdojë deri në fitore. E duam Shqipërinë si e gjithë Evropa. Asgjë më kriminale nuk ka se pasi të vjedhësh taksat e popullit ti përdorësh ato për të helmuar protestuesit. Prandaj si garancia e vetme për kushtetutë dhe ligj, me një kërkesë, me një mision, me një qëllim, “E duam Shqipërinë si e gjithë Evropa””, shprehet Basha.
(E.K/FAXWEB.AL)
Discussion about this post