Një ngjarje e paprecedentë ka ndodhur gjatë mbrëmjes së sotme gjatë protestës së banorëve të Unazës së Re. Një person i paidentifikuar ka sulmuar me automjet banoret të cilët kanë qenë duke protestuar, duke hyrë në mes të turmës. Sipas burimeve ka patur gra dhe femijë, ndërkohë momenti ka qenë tmerrues dhe në video dëgjohen ulërimat e fëmijëve të traumatizuar.
Po ashtu burimet bëjnë me dije se policia e cila ndodhej shumë pranë vendit të ngjarjes nuk ka ndërhyrë duke qëndruar indiferente ndaj sulmit. Burimet thonë se sulmi është përsëritur edhe nga një mjet i dytë dhe prapë policia nuk ka ndërhyrë dhe të marri masa.
Ndërkohë një prej protestuesve, në fjalën e tij mbrëmjen e sotme ka deklaruar se i njihte personat që ndërhynë me makinë duke bërë publike edhe emrat e tyre, ku sipas tij ata ishin Alket Elmazi dhe Rebani Jaupi.
