Gratë e Tiranës kanë vendosur të mos festojnë por të protestojnë duke kujtuar 8 gra të cilat janë vrarë përgjatë vitit 2019. Ato janë veshur me të zeza duke e quajtur “Protesta e Zisë”
Ato kanë bërë thirrje se nuk duan lule për 8-Mars por kërkojnë të drejtat e tyre të ndihen më të përfaqësuara.
“Për sa kohë ka dhunime vrasje, përdhunime, duhet protestuar sot nuk është festë. Duam që institucionet të na mbështetin. Gratë nuk duhet të heshtin duhet të denoncojnë dhunën.
Ne nuk kemi asgjë për të festuar për sa kohë që viti 2019 nisi me vrasjen e 8 grave, mesazhi jonë është që ato të mos heshtin, ngrijeni zërin, revoltohuni keni të gjitha të drejtat e botës”- janë shprehur gratë.
Gratë e Partisë Demokratike dhe të Lëvizjes Socilaiste për Integrim organizuan një protestë ku iu bashkuan edhe gratë e Astirit. Ato kanë bllokuar rrugën tek Unaza që prej orës 11:00.
Ndërsa një grup tjetër grash kanë dalë për të protestuar para Drejtorisë së Policisë, ku kanë nisur dhe marshimin e tyre drejt Ministrisë së Shëndetësisë.
Ish-deputetja e PD-së Albana Vokshi tha se Rama duhet ikë, duke u bërë thirrje të gjitha grave që të mblidhen sërish në 16-mars para Parlamentit për të protestuar.
“Të dashura nëna dhe motra, në datë 16 duhet të jeni përpara Parlametit për të protestuar që t’i themi jo sistemit të Edi Ramës. Dhe ti themi po lirisë tonë , ne duhet t’i themi stop qeverisjes së tij të lidhur me krimin”.
Paralelisht me protestën e grave të opozitës një protestë tjetër po zhvillohet pranë Muzeut Kombëtar.Ku me dhjetra gra janë mbledhur në këtë 8-Mars me moton “Mos dhuro një lule, por dhuro një punë”.
https://www.facebook.com/faxweb.al/videos/1005341696522382/
Discussion about this post