Pas protestave në disa ministri dhe përpara Bashkisë së Tiranës, të rinjtë e PD-së i janë drejtuar Kryeministrisë. Ata kërkuan dorëheqjen e kësaj qeverie duke e cilësuar si hajdute dhe largimin e Edi Ramës në krye të vendit.
Të rinjtë hodhën në oborrin e selisë së Kryeministrisë qese me plehra dhe pako hashashi, të cilat ishin false.
Ashtu si 26 vite më parë, PD e kujton me protesta këtë ditë me pankarta në duar ku shkruhej “Liri dhe demokraci”. Me gishtat lart në simbol të demokracisë, ata brohoritën parrullën e studentëve të Dhjetorit “E duam Shqipërinë si gjithë Europa”.
“Përpara me Lulzim Bashën do ta bëjmë Shqipërinë si gjithë Europa. Rama rinia nuk të do më. Ti je e shkurara ne jemi e ardhmja.”, u shpreh Belind Këlliçi, kreu i FRPD-së.
