Protesta/ Havari: E dhunshme, ata ishin “gurë vrasës”. Basha ka përgjegjësi!

Ish-drejtori i policisë Mithat Havari ka deklaruar në ‘Fax News’ se protesta e opozitës ditën e djeshme ishte e dhunshme.

Sipas tij Basha edhe pse vetë nuk ishte i pranishëm tek Ministria e Brendshme kur ndodhi përplasja, nuk i shpëton përgjegjësisë për eskalimin e situatës. MadjE Havari gurët e hedhur ndaj policisë nga protestuesit i quajti “gurë vrasës”.

Ai deklaroi se tubimi duhej mbyllur aty në boulevard dhe jo të vazhdohej tek Ministria e Brendshme duke parashikuar se nëse protestuesit do kishin hyrë në Ministrinë e Brendshme do kishin shkatërruar e djegur gjithçka.

“Basha duhej ta mbyllte aty, nuk përjashtohet nga përgjegjësia, protesta ishte e dhunshme, ato janë gurë vrasës që u hodhën ndaj policisë. Ato gurë mund të marrin jetën”, tha ai.

Referuar rastit të kryeredaktorit të gazetës ‘Rilindja Demokratike’ Bledi Kasmi, Havari deklaroi se ai si njeri i medias nuk duhej të shkote për tu shtyrë me policinë pasi në turmë polici nuk të njeh se kush je.

“Nuk shkon kryeredaktori të shtyjë policinë. Ata nëse hynin do të shkatërronin, do të digjnin, do të grabisnin çfarë gjenin. Më vinte shumë keq për Policinë e Shtetit, janë vrarë rreth 250 policë në 28 vjet, asnjë politikan, thjeshtë janë përdorur për qëllimin e tyre. Bashës nuk I shkon as britma, as ulërima, unë e kam dhe mik dhe po ta tatkoj edhe do ti them, ata janë njerëz me precedent penal, janë njerëz të paformuar, të pashkolluar. Aq sa i dhemb atij kryeredaktorit koka, i dhemb edhe atij policit koka, edhe deklarata e tij nuk më pëlqeu që tha se këto ndodhin edhe në Europë, në Europë protetsat e dhunshme i bëjnë sindikatat dhe jo partitë, policia ndërhy me shkopa gome, me gaz, e tjerë.

Dhunës duhet ti përgjgijesh me dhunë, kështu mbahet shteti, nëse policia nënshtrohet ndaj njerëzve të rrugës atëherë shteti merr fund. Polici që e ka goditur me shkop atë kryeredaktorin  nuk është gjë e mirë dhe duhet mbajtur qëndrim ndaj tij nëse e ka tepruar. Por aty nuk pashë ndonjë polici kriminale siç e bëjnë këta, edhe unë po të isha aty do të isha dhëmbë për dhëmbë me ta”, deklaroi Havari, i cili në lishje me procedimet ndaj protestueve tha se është bërë mirë pasi ata duhet të përballen me ligjin.

“Shumë mirë ja kanë bërë, ti vënë para gjykatës, ti shohin çfarë kanë goditur, çfarë kanë shkatërruar. Ata që kanë ushtruar dhunë duhet të marrin përgjegjësi ligjore.

Në vendet e perendimit nuk dalin forcat politike për të goditur forcat policore, janë organizata, apo sindikata që protestojnë, ndërsa forcat politike nuk vënë militantë për të goditur shtetin. Qytetaria nuk shkon në protesta, këta i bien nga rrethet me autobusë”, tha ai.

Intervista e plotë:

(B.H/Faxweb)