Protesta e opozitës ka hyrë tashmë në ditën e 22-të të saj. Nga “Sheshi i Lirisë”, kryetari i Partisë Demokratike, u ndal ndër të tjera tek një deklaratë e fundit e kryeministrit, i cili ka kërkuar integrim para se të jetë vonë.
Në përgjigjen e tij, Basha deklaroi sot nga çadra se Edi Rama nuk është në pozitat për të kërcënuar, duke qenë se nuk i ka bërë detyrat e shtëpisë, i ka lënë doganat dhe tatimet në dorë të krimit, si dhe nuk ka luftuar korrupsionin.
“Mbrëmë ky person shumë i njohur i medias së shkruar tha në fakt ndryshimi ka ardhur, Shqipëria pas 18 shkurtit është shumë ndryshe nga ajo para 18 shkurtit. Dhe në fakt kështu është. Para 18 shkurtit këta bënin hesape me njëri-tjetrin, pra kishin skualifikuar nga loja shqiptarët. Sot janë strukur në birucat e tyre. Miku im gazetar ka të drejtë. Shqipëria është nisur drejt ndryshimit pa kthim.
Ed Mashtruesi ka thënë “Integrim para se të jetë vonë”. Ou? Kë kërcënon ky? Po a i ke bërë detyrat?! A e ke luftuar krimin?! U ke dhënë pushtet maksimal. U ke dhënë çelësat e doganave dhe tatimeve policisë. Pra nuk e ke bërë këtë detyrë shtëpie! Ngelës. A e ke luftuar korrupsionin? Përkundrazi! Nëse e ke me të vërtetë ”Integrim para se të jetë vonë, jep dorëhqjen para se të jetë vonë!”, është shprehur kryedemokrati Basha ndër të tjera nga çadra para Kryeministrisë.
(XH.A/SHUPLAKA)
Discussion about this post