Protesta e Partisë Demokratike ka hyrë sot në ditën e 41 të saj. Teksa në Kuvend nuk kanë munguar debatet mes Ben Blushit nga njëra anë dhe Ramës, Ahmetajt e Kodhelit nga ana tjetër, opozita po zhvillon “parlamentin e fjalës së lirë” në çadrën e opozitës vendosur prej më shumë se një muaji përpara Kryeministrisë.
Teksa ardhja e ish-kryeministrit Sali Berisha në çadër u prit me brohoritje, është vënë re mungesa e kryetarit të PD-së, Lulzim Basha, i cili ndodhet në Maltë. Ai po zhvillon takime me kongresmenë të ndryshëm, të cilëve u ka bërë me dije situatën kritike që karakterizon politikën në Shqipëri.
Në takimet me ta, kreu i opozitës, theksoi se protesta do të vazhdojë, “beteja për vlerat europiane do të zhvillohet deri në fitore”.
Ndërsa nga “Sheshi i Lirisë”, ish-kryeministri i Shqipërisë, Sali Berisha, i bëri thirrje Ramës që të dorëzohet, pasi ka vetëm dy zgjedhje, burgun ose fatalitetin. Edhe Edi Paloka, Arben Ristani, ndër të tjerë, siguruan se vota nuk do të lihet peng i drogës, si dhe renditën arsyet përse qeveria aktuale është më e korruptuara.
(XH.A/SHUPLAKA)
Discussion about this post