Protesta e opozitës në “Çadrën e Lirisë” ka hyrë sot në ditën e tetë të saj. E nisur pak para mesditës së 18 shkurtit me iniciativën kryesore të Partisë Demokratike, ajo vazhdon në sajë të protestuesve që qëndrojnë në çadër të përkrahur nga përfaqësuesit e opozitës.
Dita e tetë e protestës vjen pas deklaratës së fortë të një dite më parë të kryedemokratit Basha, i cili u bëri thirrje protestuesve që të reagojnë dhunshëm nëse shkelen të drejtat e tyre. Thirrja e tij u ndoq nga një mobilizim nga autoritetet e sigurisë përpara Kryeministrisë.
Një ditë pas thirrjes së Lulzim Bashës, deputeti demokrat Aldo Bumçi, ka argumentuar për një televizion lidhur me këtë deklaratë se nuk ka çfarë të bëhet tjetër kur kryeministri nuk reagon ndaj thirrjes së opozitës, por vijon ta mbajë pushtetin me krim dhe dhunë.
“Basha ishte shumë i qartë. Çfarë po ndodh këtu nuk është një lojë. Të gjithë ata që janë në krye të qeverisë të veprojnë. Bëhet fjalë për vendin, paqen sociale.
Dy janë alternativat, nënshtrimi ndaj krimit, drogës dhe alternativa tjetër buron nga ky shesh.
Peng të ardhmen e këtij vendi e mban Edi Ramën. Kërkon që me ovërdozën e drogës dhe kërcënimin e bandave, të nënshtrojë qytetarët shqiptarë. Të gjithë duhet të kuptojnë që ne nuk do të nënshtrohemi. Protesta ka nisur dhe do të vazhdojë.
Protesta jonë tre herë më e madhe se protesta më e madhe e Edi Ramës. Nuk reagon për protestën, siç po bën me dekriminalizimin. Protesta ishte paqësore, prej tetë ditësh ka qenë paqësore. Do vijohet në këtë mënyrë. Legjitimiteti i tij nuk mund të burojë nga krimi, droga dhe dhuna. Nëse Edi Rama qëndron me krim e me dhunë, çfarë duhet të bëjmë ne? (XH.A/SHUPLAKA)
