Gjatë një proteste në Luka të Italisë, ka shpërthyer dhuna ndërmjet policisë dhe protestuesve.
Në këtë qytet është duke u mbajtur edhe takimi i G7 për sulmet në Siri. Demostruesit kanë hedhur fishekzjarre në drejtim të policisë.
Ministrat e jashtëm të shtatë vendeve më të fuqishme janë takuar në Itali, për të disktuar në lidhje me situtatën në Siri.
Grupi i G7 përbëhet nga Shtetet e Bashkuara, Japonia, Gjermania, Britania e Madhe, Italia, Franca dhe Kanadaja.
Rusia ishte pjesë e G8-ës por u përjashtua nga ky grup pas aneksimit të paligjshëm të gadishullit ukrainas të Krimesë më 2014.
Takimi po mbahet nën masa të larta sigurie, ku nën drejtimin e Presidencës italiane e të Ministrit të Jashtëm Angelino Alfano do të zhvillojnë për dy ditë rresht Samitin e rradhës mes 7 vendeve më të industrializuara në botë.
Të shumta janë temat që do të merren në diskutim, ku një rëndësi të veçantë do t’i kushtohet luftës kundër terrorizmit e ekstremizmit të dhunshëm, sigurisë e politikës globale.
Marrin pjesë në këtë Samit, Sekretari amerikan i shtetit Rex Tillerson si dhe Komisioneria për Politikën e Jashtme e Sigurinë në Bashkimin Europian, Federica Mogherini
Samiti i G7, që zhvillohet në një moment të veçantë të situatës ndërkombëtare, e troditur nga sulmi terrorist në Suedi apo nga zhvillimet e fundit në Siri, në Korenë e Veriut, është një takim i rëndësishëm i vendeve më të mëdha në botë që në praninë e Rex Tillerson të diskutojnë e të analizojnë strategjinë e ndërmarrë nga administria e re e qeverisë amerikane në lidhje me ngjarjet e fundit të politikës botërore.
Numri një i diplomacisë italiane ka informuar gjithashtu se në ditën e dytë të zhvillmit të këtij Samiti do t’i kushtohet vëmëndje të veçantë çështjes siriane e do të zhvillohet dhe një mbledhje e jashtëzakonshme, ku janë ftuar të marrin pjesë dhe Ministrat e Jashtëm të vendeve të Turqisë, Emiratet Arabe, Arabia Saudita, Jordania, Katari. (M.D/ Shuplaka)
Discussion about this post