Teksa vetëm 3 ditë na ndajnë nga zgjedhjet e pjesshme në Kavajë gjatë të cilave opozita ka paralajmëruar një protestë, vjen një lëvizje sigurie nga Drejtoria e Burgjeve.
Ashtu si policia edhe Drejtoria e Burgjeve po merr masat për rendin e sigurinë, duke pezulluar të gjitha lejet për të dënuarit.
Po ashtu është pezulluar edhe transferimi i të burgosurve deri pas zgjedhjeve të 18 qershorit.
Sakaq edhe Drejtoria e Përgjithshme e Policisë së Shtetit duket se ka gati një plan masash në menaxhimin e kësaj situate.
Drejtoria e Përgjithshme e Policisë së Shtetit iu ka dërguar një urdhër gjithë drejtorive vendore në qarqe qe të mbajnë nën vëzhgim personat me precedentë penalë ose grupe militantësh politikë për të parë sa dhe si do të jetë organizimi i tyre drejt Kavajës. (M.D/Shuplaka)
