Këshillit Bashkiak në Vlorë ka lënë pa përgjigje banorët e Orikumit dhe të Vlorës, të cilët protestuan gjatë ditës së sotme brenda sallës, për problemet që hasen në nisje të këtij sezoni turistik.
Kryetarja e Këshillit Bashkiak u ka thënë banorëve se do të kenë zgjidhje, por nuk ka përcaktuar as afate dhe as se çfarë do të ndodhë me ta.
Banorët e Orikumit dhe Vlorës kërkuan furnizimin me ujë dhe drita të kësaj zonë, që has problematika përgjatë gjithë sezonit të verës, duke dëmtuar edhe bizneset e tyre.
Pas mbledhjes disa nga banorëve u është marrë numri i kontaktit, megjithëse pjesa më e madhë e tyre kanë mbetur të paqartë.
Ndërkohë që gjatë mbledhjes nuk kanë munguar as tensionet e banorëve me këshilltarët bashkiakë, ndërsa në duar mbanin pankarta të ndryshme me thirrjet ‘’duam ujë”, ‘’duam rrugë”.
Një pjesë tjetër e banorëve të Vlorës shprehen se Dritan Leli i ka gënjyer pasi nuk iu kanë dhënë dëmshpërblimin e pronave të tyre në Rrugën Transballkanike, që janë prishur para disa viteve. Ata thonë se prej vitesh jetojnë me qera të paguar nga shteti, po kjo situatë nuk mund të vazhdojë pafund.
Edhe pse është bërë vlerësimi i banesave të tyre, dëmshpërblimi ende nuk ka ardhur.
(M.Q/Faxweb)
Discussion about this post