Pas protestës së Opozitës të zhvilluar para Kryeministrisë, e cila zgjati rreth 5 orë, Policia ka filluar kontrollet në të gjithë Tiranën për identifikimin dhe ndalimin e personave që kanë kryer veprime të dhunshme ndaj godinës së Kryeministrisë.
Burime nga policia bëjnë me dije se deri më tani janë shoqëruar të paktën 25 persona si dhe ish-drejtori i Policisë Bashkiake Florens Hoxha.
Kjo ka bërë që pas mbledhjes së Kolegjit të Kryetarëve të Degëve, disa deputetë të Partisë demokratike të shkojnë tek Drejtoria e Policisë. Mësohet se në drejtorinë e Policisë kanë mbërritur deputetët: Enkeled Alibeaj, Klevis Balliu, Flamur Noka, Gent Strazimiri dhe Sekretari për Çështjet Zgjedhore, juristi Ivi Kaso.
Të shoqëruarit mësohet se janë të shpërndarë në komisariate të ndryshme, ndërsa Florenc Hoxha ndodhet tek Drejtoria e Policisë. Nuk dihet nëse ndaj Hoxhës ka një urdhër arresti, apo është thjeshtë i shoqëruar për tu marrë në pyetje.
(B.B/ Faxweb.al)
Discussion about this post