Arrestimi në Francë i liderit të Aleancës për Ardhmërinë e Kosovës, Ramush Haradinaj, po shoqërohet me reagime edhe nga shqiptarët e Maqedonisë. Ata kanë paralajmëruar protesta para Ambasadës franceze në Shkup. Ndërkohë në vendin tonë nuk ka asnjë reagim ende. Përveç deklaratave sporadike, nuk është marrë asnjë nismë konkrete.
Protesta në Shkup është thirrur për të premten në orën 14:00. Organizimi ka nisur nëpërmjet rrjeteve sociale.
Kjo protestë është përkrahur edhe nga Unioni Studentor Shqiptar.
“USSH fton qytetarët shqiptarë të Maqedonisë që sot në orën 14 të mblidhen para Ambasadës së Francës për të shprehur revoltën kundër autoriteteve franceze që arrestuan liderin e Aleancës për Ardhmërinë e Kosovës, Ramush Haradinajn”, ka bërë thirrje kjo organizatë.
Ramush Haradinaj u arrestua në Francë, më 4 janar. (E.K/SHUPLAKA)
Discussion about this post