Shoqata ‘’Çamëria” së bashku me shoqërinë civile kanë protestuar sot përpara bllokut të ambasadave, për deklaratat që vinë nga Greqia për mohimin e termit çamëri.
Në fjalën e saj Mesila Doda u shpreh se kjo është një tradhëti që qeveria shqiptare poi u bën bijve të saj.
“Ky është një Pazar matrapazësh për të shitur tokën dhe detin. Sot jemi në pikën më delikate të dekadës së fundit, ku përpiqet që të vihet në disakutim termi ‘çamëri’.
Bisedimet me Greqinë duhet që të nisen nga çështja çame. Europa që na thotë që e ardhmja jonë të kalojë nga Athina nuk është europa jonë. S’iu dhamë votën këtyre që janë në pushtet që të shesin çështjen çame”, u shpreh mes të tjerash Doda.
Po ashtu ish-deputetja u shpreh se ky është vetëm fillimi dhe se protestat do të vijojnë deri sa qeveria dhe Greqia të pranojnë realitetin çam.
(E.K/FAXWEB)
Discussion about this post