Protesta për Kristi Panajotin, I ati: Qoftë ky kurbani i fundit për qytetin e Vlorës (FOTO)

Paraditen e sotme në Vlorë është zhvilluar protesta për Kristi Panajotin.

Kësaj proteste i janë bashkuar jo vetëm familjarë, miq, të afërm të Kristit por edhe qyetatët të thjeshtë të Vlorës.

Protesta ka nisur në zonën e skelës dhe ka përfunduar në vendin ku 17 vjeçari humbi jetën.

Buqeta me lule dhe qirinj janë vendosur në vendin që rezultoi fatal për jetën e të riut.

Protestës i është bashkuar edhe Serxhio Martinjani,i cili është aksidentuar në autostradën Tiranë -Durrës dhe sot nuk mund të ecë.

Renato Panajoti i ati i kristit ka konfirmuar se protestat do zgjerohen edhe më shumë dhe do të vijojnë drejt institucioneve të drejtësisë dhe Bashkisë Vlorë.

Ai është shprehur gjithashtu se kjo fatkeqësi mund t’i ndodh kujtdo nëse shteti dhe organet e larta nuk reagojnë. ‘’Qoftë ky kurbani i fundit për qytetin e Vlorës’’.- ka thënë Renato.

Protestës gjithashtu i është bashkuar edhe deputeti Dashamir Tahiri.

[ngg_images source=”galleries” container_ids=”151″ display_type=”photocrati-nextgen_basic_slideshow” gallery_width=”600″ gallery_height=”400″ cycle_effect=”fade” cycle_interval=”10″ show_thumbnail_link=”1″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]