Protesta e sotme e Shoqërisë Civile për çështjen çame dhe kufirin detar me Greqinë u transmetua hap pas hapi nga televizoni “Fax News” dhe njëkohësisht u paqyrua edhe në “Fax Web”.
Shoqëria Civile protestoi para kryeministrisë bashkë me qytetarët kundër qëndrimit të qeverisë Rama në lidhje me marrëveshjen që pritet të nënshkruhet së shpejti me shtetin grek, në lidhje me kufirin detar dhe çështjen çame.
Sot televizoni “Fax News” ka marrë një mbështetje të madhe qytetare por edhe nga emra të njohur të medias shqiptare. Është cilësuar si media që transmeton zërin e qytetarëve dhe që ndjek kauzat në interes të popullit.
Nikoll Lesi ishte i pari i cili deklaroi publikisht se “Fax News” ishte e vetmja media që transmetoi live këtë protestë, ndryshe nga shumë të tjera në vend.
“Kjo që ka ndodhur sot, nuk ka ndodhur në 27 vite pluralizëm dhe demokraci. E habitshme se si një protestë e shoqërisë civile, e nisur thjesht nga rrjetet sociale në fillim e më pas shkoi zinxhir lajmi në facebook-un e gjithsejcilit, të cilët sipas mënyrës së tyre organizuan një protestë para zyrës së kryeministrit Rama. Asnjë televizion nuk e transmetoi live apo edhe me ndonjë titër lajmin e protestës, përveç një televizioni të ri “FaxNews””, u shpreh Nikoll Lesi ndër të tjera në shkrimin e tij për “Koha Jonë”.
Por përveç tij nuk ngurroi që të shprehej edhe Ergys Mërtiri. “Asnjë media, perveç Fax News nuk e dha live protestën kundër marrëveshjes jotransparente për detin. Edhe në edicione, kjo protestë u trajtua si diçka pa interes. Për turpin e tyre mediat zgjodhën t’i shërbejnë pushtetit dhe jo interesave të vendit.
Ky nuk është kazan, është oturaku i kryeministrit që mbushet me oratorinë dhe spektaklin pushtetnor që po e kthen këtë vend në tualet.”, u shpreh Mërtiti në rrjetet sociale.
Nuk kanë qenë të paktë edhe qytetarët të cilët kanë falenderuar “Fax News” për transmetimin e kësaj proteste pasi sipas tyre në të sot ishin çështje shumë të rëndësishme kombëtare për të cilat ende nuk është dhënë një zgjedhje e duhur. Qytetarët kanë komentuar në rrjetet sociale dhe nuk kanë ngurruar që të shkruajnë në inbox të “Shuplaka-s”, “Fax Web” dhe “Fax News”, ku shprehën falenderimet e tyre.
“Faleminderit! Pçr gjithçka që bëni duke pasqyruar me realizem dhe vërtetesi”, ishte një nga mesazhet që i është drejtuar kësaj medie. (J.V/Faxweb)
Reagimet e qytetarëve:
Discussion about this post