Qyteti i Selanikut është përfshirë nga protesta të dhunshme pasditen e kësaj të shtune. Shumë qytetarë dolën në një tubim, kundër marrëveshjes për emrin mes Greqisë dhe Maqedonisë në muajin qershor.
E gjitha filloi kur disa qindra njerëz u ndanë nga pjesa më e madhe e protestuesve dhe sulmuan Bashkinë, duke thirrur me slogane kundër kryetarit të Selanikut, Yannis Boutaris dhe Kryeministrit Alexis Tsipras.
Sipas mediave greke raportohet se protestuesit me flamuj grekë hodhën gurë dhe objekte kundër policisë, ndërsa këta të fundit u përgjigjën me gaz lotsjellës.
Qendra e qytetit është e mbushur me tym, ndërsa në të njëjtën kohë rreth Vellidio ka qindra oficerë policie.
(M.Q/faxweb)
Discussion about this post