Edhe Agim Xhafka nuk ka lenë pa e komentuar protestën e opozitës që po vijion ende në bulevardin “Dëshmorët e Kombit”.
Sipas tij protesta e sotme tregoi se se kupa u mbush dhe pika nisi të bjerë. Po kështu Xhafa shprehet se protesta të tilla na duhen për shëndetin e shoqërisë dhe se sot ato ishin si termometri që iu vendos qeverisë dhe rezultoi me temperaturë të lartë, me infeksion.
Postimi:
“PIKA E UJIT. Protesta e sotme tregoi se kupa u mbush dhe pika nisi të bjerë. Që nga pjesëmarrja,kultura,mesazhet,niveli i fjalimeve,kumtet brilante të Bashës treguan se tashmë maxhoranca do quajtur -ish.
Nuk hyj tek njerëzit që duan agresivitet e gjeste të forta. As tek ata që sjellin qeveri me dhunë. I besoj votës së popullit tim se tre milionë mendje afërmendsh prodhojnë një gjë të mençur.
Protesta na duhen për shëndetin e shoqërisë. Sot ato ishin si termometri që iu vendos qeverisë dhe rezultoi me temperaturë të lartë,me infeksion. Nga që gënjeu rëndshëm votuesit,nga që pasuritë e vendit ua fali një grupi pranë pushtetit,nga që shëndtësinë e beri falas veç në endërra,nga që arsimin e bëri më të kushtueshëm. Plus marrje borxhi të pajustifikuar e abuzime të frikshme qe dhe kontrolli i shtetit ia përmend çdo vit.
Tani që shoqëria e diagnostikoi sëmundjen i duhet klasës politike të përcaktojë ilaçet. Mos mendojë qeveria se protesta mund të mbyllet nesër e aq. Sëmundja nuk ka lidhje me njerëzit që dolën në shesh. Ata e bënë të tyren. Ndryshe mikrobi do bëjë hatanë. Sa për ilustrim. Kam një mik të vyer që u diagnostikua me diabet. Por nuk ia vuri veshin hiç. As dietë,as fizkulturë,as lëvizje. Veç meze e raki. E shkoi ca kohë kështu,i qetë se sëmundja e kishte frikë. Dje mësova se ishte verbuar,madje kishte dhe disa fillime gangrene në një këmbë. Trimërinë ndaj sëmundjes po e paguan me shkurtim jete.
Qeveria qysh dje nuk është më e shumicës. Jo demokratët,por shumë qytetarë të partive të tjera,a pa parti erdhën në shesh. Se nuk binden që ky ekip sjell progres. Duan ndryshim. Sigurisht nuk janë të gjithë votues për Bashën,por të gjithë me siguri nuk e votojnë më Ramën. Qeveria doli me infeksion. Ta shërojmë pa na sëmurur si popull”, shprehet Agim Xhafka. (J.V/Shuplaka)
