Deputeti, Fatmir Mediu gjatë një takimi me ASCE PA në Vjenë, ka dërguar mesazhin e protestave që po zhvillohen në vend ditët e fundit të cilat kërkojnë rrëzimin e qeverisë dhe vendosjen e një qeverie tranzitore.
Ai ka parashtruar përpara përfaqësuesve europian kërkesat e qytetarëve të cilat janë thirrje kundër qeverisë, korrupsionit, krimit të organizuar dhe kërkesës për zgjedhje të lira dhe të ndershme.
Gjatë fjalës së tij Mediu ka kërkuar sqarime nga diplomatët europian duke i pyetur se “si do të përfshihet Asambleja Parlamentare e OSBE-së në kërkesët për zgjedhje të lira dhe të ndershme.
“Në prezantimin tuaj ju përmendët se fatkeqësisht ne po protestojmë në Tiranë, si do të përfshihet Asambleja Parlamentare e OSBE-së në kërkesët për zgjedhje të lira dhe të ndershme, luftën kundër krimit të organizuar, korrupsionit në mënyrë që të gjendet një zgjidhja e këtyre protestave”, – deklaroi Mediu.
Mediu ka folur edhe për debatin e hapur në lidhje me ndryshimin e kufijve të Kosovës duke përcjellë shqetësimin e tij për nisjen e konflikteve në Ballkan duke i bërë edhe një pyetje diplomatit Miroslav Lajçak.
“Një pyetje për z. Lajçak. Kohët e fundit kemi dëgjuar shumë diskutime në lidhje me ndryshimet e kufijve në mes Kosovës dhe Shqipërisë gjë e cila përcjell shqetësim në Ballkan dhe konflikt në rajon. Cili do të jetë roli juaj në lidhje me këtë çështje?”.
(F.GJ/FAXWEB.AL)
Discussion about this post