Protestat e studentëve, Rama merr në pyetje FRESSH në mbledhjen e kryesisë

Kryeministri Edi Rama pas mbledhjes së Kryesisë së Partisë Socialiste u shpreh se PS-ja ka shumë për t’u korigjuar dhe përmirësuar.

Gjithashtu ai tha se PS-ja po monitoron dhe po përpiqet  ta zbërthejë protestën e studentëve, e cila sipas tij i dha një shuplakë të fortë qeverisë për të reflektuar dhe bërë më shumë për qytetarët.

Mes tjerash, burime për Fax News bëjnë të ditur se në mbledhjen e kryesisë ai ka kritikuar FRESSH. Rama ka pyetur strukturat drejtuese te FRESSH se pse nuk kanë informuar për protestën e studentëve.

Gjithashtu ai ka kërkuar që të dijë se pse nuk ka sinjalizuar FRESSH pakënaqësine tek Partia Socialiste që sipas tij të prandalohej protesta.

Ndërkohë bëhet e ditur se Kongresi i Partisë Socialiste do të mbahet në muajin mars të vitit të ardhshëm.