Kryeministri Edi Rama ka folur nga Velipoja dhe për seancën parlamentare të së shtunës dhe protestat e paralajmëruara për zgjedhjen e Gramoz Ruçit në krye të Kuvendit. Ai tha se kjo nuk do të ishte opozita që do të donte dhe i duhet vendit.
Rama u shpreh se pret që të konkurohet me program dhe vizion nga ana e partive opozitare dhe jo përmes forcës dhe dhunës.
“Opozita do merret me ne. Unë do isha shumë i keqardhur nëse kjo gjë do të ndodhte, pasi do kuptoja që ata nuk e dinë akoma se çfarë ka ndodhur në 28 Qershor. Ne na duhet një opozitë që nuk i referohet më forcës fizike, po një opozitë që i referohet një program që të arrijë të bëjë diferencën, me programin e saj”, u shpreh Rama.
Po ashtu Rama foli dhe për reformën e mundshme zgjedhore, duke u shprehur se asnjë nismë nuk do të merret në kurriz të LSI-së apo partive të tjera parlamentare.
“LSI ska qenë asnjëherë qëllimi që të bëjmë gjëra të caktuara në kurriz të saj. Ne sigurisht që do të përfillim çdo deputet të kujtdo force që është në Parlament.
Ne do të bëjmë çmos, pastaj se çfarë opozitë do të jetë LSI-ja do të jetë një gjë që mbetet për tu parë. Është një lloj tjetër nga opozita që bën Partia Demokratike”, u shpreh ndër të tjera Rama.
(E.K/SHUPLAKA)
