Policia e Fierit ka arrestuar 5 prej banorëve të fshatit Verri që kanë protestuar sot. Protesta e tyre vijon prej ditësh kundër ndërtimit të impiantit të plehrave në fshatin e tyre. Disa nga personat e arrestuar nga policia janë: Ardjan Tashi, Alvi Bita, Ndricim Karroqe dhe Sokrat Kondakciu.
Pak minuta më parë ata ta kanë bllokuar burra dhe gra autostradën në shenjë proteste dhe siç duket nuk kanë marrë garancitë e duhura që t’i bindë se ai impiant nuk do të ndërtohet.
Banorët e Verrisë prej kohësh protestojnë kundër impiantit pasi argumentojnë se ai do të jetë i dëmshëm për shëndetin e tyre dhe se do të prekë të gjithë mjedisin e zonës duke i kthyer fshatrat afër në zona të pabanueshme dhe shumë të ndotura.
Pak kohë më parë Edi Rama ishte në Fier, ku siç njoftoi kreu i Bashkisë Armando Subashi i kishte dhënë garanci këtij të fundit se impianti nuk do të ndërtohet kundër vullnetit të tyre. Por banorët fill pas kësaj dekalarate u shprehën mosbesues pasi u shprehën se makineritë ndërtuese janë ende në fshat. (E.K/Shuplaka)
Discussion about this post