Mjekët e spitalit të Shkodrës kanë dalë në protestë që prej mëngjesit, pasi sipas tyre gabimet mjekësore nuk janë veper penale.
Stafi mjekësor i referohet nenit 96 të kushtetutës dhe shpjegojnë se nuk ka një ligj për përgjegjësitë e personelit mjekësor.
Ata thonë se protestat do të vijonë çdo ditë të enjte, dhe kanë si qëllimin sensibilizimin e ligjvënësve. Po ashtu, mjekët e spitalit të Shkodrës theksojnë se shërbimi në spital nuk do të ndërpritet në asnjë moment.
Në këtë protestë është i pranishëm edhe mjeku Edi Smalaj, i cili u arrestua vetëm dy javë më parë për korrupsion pasiv. Nën detyrën e shefit të Pavionit të Kardiologjisë në Spitalin Rajonal të Shkodrës ai u akuzua se falsifikoi dokumentet shëndetsore të pedagogut Simon Lufi, i cili gjithashtu arrestua nga policia para disa ditësh.
Smalaj është shprehur sot se kartelën e atë akuzuarit nuk kishte asnjë gabim dhe se akuzat për mjekim të parregullt naga ana e tij, nuk ekzistojnë. Ai e cilësoi ndalimin e tij nga policia me prapavijë.
Sipas njoftimit të policisë, arrestimi i mjekut Smajlaj u bë pas verifikimit të informacionit se në Spitalin Rajonal të Shkodrës po kryheshin veprime të jashtligjshme në favor të personave të arrestuar.
Zoti Smajlaj, i cili gjatë dy ditëve të fundit nuk kishte qenë në detyrën e mjekut të rojës, dyshohet se kishte falsifikuar kartelën mjekësore për pacientin Simon Lufi, pedagog në Universitetin e Shkodrës, i arrestuar vetëm një ditë më parë nga policia.
Sipas policisë mjeku firmosi shtrimin në spital të pedagogut Simon Lufi, me pretendimin se ky i fundit kishte probleme shëndetësore dhe të mos dërgohej në qelinë e paraburgimit. Lufiu u arrestua nga policia e Shkodrës nën akuzën se merrte rryshfet për nota kaluese.
Pas arrestimit të Smalajt, kolegët e tij të Spitalit Rajonal të Shkodrës kanë protestuar për dy ditë me radhë. Sipas tyre, Smalajt i janë privuar liritë e tij themelore pas “veprimit ekstrem” të Prokurorisë së Shkodrës.
