Një grup aktivistësh në Zvicër janë vënë në prangat e policisë për shkak të protestës që zhvilluan kundër vizitës zyrtare të presidentit kinez në Zvicër. 32 aktivistë pro-Tibetit ishin kundër vizitës së Xi Jinping, që ndodhet në Zvicër në kuadër të Forumit Botëror të Ekonomisë.
Momentalisht, të arrestuarit janë lënë të lirë, ndërkohë që një prej tyre është dërguar në spital pasi tentoi t’i vendoste flakën vetes në shenjë proteste. Ata kanë bërë thirrje për liri nga Kina dhe pranimin e liderit të tyre Dalai Lama.
Një protest e ngjashme u zhvillua në 1999-ën, gjatë vizitës së presidentit të atëhershëm kinez Jaing Zemin. (XH.A/SHUPLAKA)
