Policia e Kuçovës ka proceduar penalisht 6 banorë të fshatit Lumas, të cilët ditën e djeshme protestuan kundër ndërtimit të ujësjellësit në burimin e ujit të Sinecit , pasi sipas tyre do të pakësojë prurjet që ata i përdorin për uvaditje dhe konsum.
Banorët e proceduar janë shtetasit: A.Sh., 74 vjeç, R.S.,67 vjeç ,A.S., 36 vjeç, R.Sh.,56 vjeç, S.G., 41 vjeç, Sh.S 69 vjeç, banues në fshatin Lumas, Kuçovë.
Në njoftimin e policisë thuhet se këta shtetas kanë penguar forcat policore dhe realizimin e investimit për ujësjellësin në fshatin Lumas.
Njoftimi i plotë i policisë: Nga specialistët e Seksionit për Krimet në Komisariatin e Policisë Kuçovë filloi proçedimi penal për shtetasit: A.Sh., 74 vjeç, R.S.,67 vjeç ,A.S., 36 vjeç, R.Sh.,56 vjeç, S.G., 41 vjeç, Sh.S 69 vjeç, banues në fshatin Lumas, Kuçovë.
Këta shtetas në bashkëpunim me njëri-tjetrin, kanë penguar punonjësit e Policisë së Shtetit në përmbushje të detyrës së tyre, në mbështetje të kërkesës së Bashkisë Kuçovë për realizimin e investimit për ujësjellësin në fshatin Lumas.
Materialet i kaluan Prokurorisë së Rrethit Gjyqësor Berat, për veprat penale “Kundërshtim i punonjësit të rendit publik”, “Organizimi dhe pjesmarrja në grumbullime dhe manifestime të paligjëshme”,” Pengimi i qarkullimit të mjeteve të transportit”.
