Dega e Partisë Demokratike në Fier organizoi sot një protestë si kundrapërgjigje ndaj vizitës së Kryeministrit Edi Rama.
Burime për Fax News bëjnë me dije se janë arrestuar rreth 45 persona që morën pjesë në protestë.
Personat e arrestuar janë nga Fieri, Roskoveci dhe Patosi ndërkohë që mësohet se preteksti e të cilin po bëhen është se të arrestuarit janë treguar të dhunshëm ndaj forcave të rendit.
Lajmi bëhet i ditur nga burime zyrtare të degës së PD-së në Roskovec.
Mësohet se ndër të shoqëruarit janë Dritan Dogani sekretar i kësaj dege, nënkryetari Pelivan Bufi dhe kryesisht shumë të rinjë të tjerë.
Burime për Fax Neës bëjnë me dije nga Tirana janë nisur Gazmend Bardhi dhe Enkelejd Alibehaj për ta ndjekur nga afër situatën.
Të shoqëruarit në polici janë anëtarë të PD dhe pjesë e organeve drejtuese në degët e PD në fshatrat e tyre.
Nga ana e saj Drejtoria e Policisë Vendore Fier e ka konfirmuar lajmin për shoqërimin e këtyre personave si dhe kanë paralajmëruar se ata do merren në pyetje e kush ka shkelur ligjin do përgjigjet para tij.
(F.GJ/FAXWEB.AL)
