Të lodhur, të zhgënjyer, por jo të dorëzuar. Këta janë protestuesit e Zharrëzës që gdhinë natën jashtë ministrisë së Energjitikës në Tiranë.
Me ton të qetë, e zë të lodhur, një nga protestuesit ka akuzuar qeverinë dhe kryeministrin Rama se po shesin vendin te të huajt, kurse shqiptarëve u kanë futur veremin. Sipas tij Rama nuk ka pse të shkojë në Zharrëz por të shkojë te ata, që ndodhen para ministrisë.
“Rama e ka gabim të shkojë në Zharrëz. Ai të vijë këtu dhe t’i japë zgjidhje këtij populli se populli i ka ardhur këtu atij në Tiranë dhe ai s’ka pse vete në Zharrëz. Apo do të vejë në Zharrëz të takojë militantët e vetë se në Zharrëz vetëm për atë punë mund të vejë ai. Po nëse zoti kryeministër e dëgjon këtë mesazh dhe më shikon mua le të vijë të jap zgjidhje këtij popullit që i ka ardhur këtu për këtë sakrificë shumë të madhe. Ne kemi vuajtur jo vetëm për këto ditë që ndjenjëm të ngujuar edhe dhe udhëtimin që e morën në këmbë nga Zharrëza këtu, por për kaq vite me rradhë. Ky shtet nuk e do popullin e vet, se po ta donte i jepte rrugëzgjidhje popullit të vet. Besoj se i kam thënë të gjitha. Do të jetë turp zoti kryeministër po vajte në Zharrëz. Unë po t’a deklaroj që do të jem i pari nga ai komunitet atje që nuk do të lë të hysh në Zharrëz, do jem kundra teje dhe është turp. Ky është një vend i pasigurt, i them kryeministrit Rama se ti po e shkatërron këtë vend. Ti je shteti, je gjithçka, ke atë karrige atje për të na përfaqësuar neve, të na japësh të drejtën tonë. Ti po shkatërron këtë vend. Fëmija jot sot, nuk dua të prek te familja dhe fëmijët, apo djali, por djali im sot është me astmë, nga vijnë këto fenomene? Vijnë nga ajo kompani fantazëm që vjedh pa kritere.”tha protestuesi. (J.V/Shuplaka)
Discussion about this post