Deputeti demokrat Flamur Noka, ka qenë një prej protestuesve që e kanë gdhirë në çadrën e ngritur nga Partia Demokratike për të gjithë ata protestues të vendosur. Bëhet fjalë për një çadër të përmasave të mëdha, që mundet të mbajë rreth 100 persona brenda.
I pyetur nga një televizion se si ka qenë situata gjatë natës dhe çfarë pritet të ndodhë, ai është shprehur se protesta ka qenë e qetë, edhe qëndrimi në këtë çadër, nuk ka pasur asnjë përplasje me forcat e policisë.
Sikundër Basha, dhe deputeti demokrat theksoi se në zgjedhjet e 18 qershorit do të shkohet me qeveri teknike, ndryshe zgjedhje nuk do të ketë.
“Dje demostruam që jemi paqësorë. Kemi qenë tërësisht paqësorë me policinë. Ne do të përshkojmë shumë shpejt në të gjitha sheshet e qeverisë. Partia Demokratike hyri në zgjedhje lokale dhe humbi, vazhdoi prapë për të respektuar institucionin e votes. Dibra është shembulli që qeveria ka vrarë zgjedhjet, votën e lire. Edhe kolonja gjithashtu.
Jemi të vendosur t’i shkojmë deri në fund kësaj çështje. Qeveria mos rrijë si ngrehinë kriminale, por të japë dorëheqjen. Shqipëria në zgjedhje me qeveri teknike, ndryshe zgjedhje nuk do të ketë. S’ka sinjal nga qeveria për protestën, kryemnistri Rama ironi në “Facebook” me protestën e opozitës.”, u shpreh ndër të tjera deputeti demokrat Flamur Noka. (XH.A/SHUPLAKA)
