Pas daljes nga selia e Partisë Demokratike, kreu i demokratëve, Lulzim Basha, në shoqërinë e Berishës dhe mbështetësve është duke u drejtuar drejt podiumit, gati për të mbajtur fjalimin e tij.
Qindra mijëra qytetarë nga rrethet i janë bashkuar kësaj proteste. Ajo që vihet re është prania e paktë e pankartave dhe tri dordolecë, përkatësisht të kryeministrit Edi Rama, ministrit të Brendshëm, Saimir Tahiri dhe ministrit të Shëndetësisë, Ilir Beqaj.
12:10 – Vetëm 10 minuta pas nisjes zyrtare të protestës, disa persona kanë nisur të hedhin shashkat e para në drejtim të godinës së Kryeministrisë, si dhe shishe plastike, zhurmë që ka karakterizuar fillimin e protestës. Ndërkohë që një dron vijon të mbikëqyrë protestuesit nga lart.
Situata në terren po monitorohet nga kreu i Policisë së Shtetit, Haki Çako.
12:50 – Kryedemokrati Lulzim Basha ka përfunduar fjalën e tij përpara protestuesve. Ai ka bërë thirrje për zgjedhje të lira, pasi në të kundërt nuk do ketë fare zgjedhje.
13:00 – Digjen dordolecët e Ramës dhe ministrave. Protestuesit bëjnë thirrje për vendosjen e çadrave. Berisha largohet nga protesta. (XH.A/SHUPLAKA)
[ngg_images source=”galleries” container_ids=”1156″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
