“Prova të reja për grushtin e shtetit”, Presidenti Meta tjetër konferencë për mediat

Presidenti i vendit Ilir Meta do të mbajë sot një tjetër konferencë për mediat, ku sipas zëdhënësit të tij do të paraqiten prova të reja për grushtin e shtetit, që po bën mazhoranca, veçanërisht pas tentativave për kapjen e plotë të Reformës në Drejtësi.

POSTIMI I PLOTE I ZEDHENESIT TE PRESIDENTIT ILIR META:

Presidenti i Republikës Sh.T.Z Ilir Meta do të japë sot, në ora 12:30 një konferencë për shtyp.

PROVA TË REJA PËR GRUSHTIN E SHTETIT.

Prej disa ditësh tashmë presidenti është duke publikuar denoncime të vazhdueshme ndaj mazhorancës, që po synon që të kapë totalisht Reformën në Drejtësi, duke shtënë në dorë drejtuesit e institucioneve të reja që janë ngritur.

Një prej personazheve më të sulmuara nga Meta është dhe kreu i KED Ardian Dvorani, që sipas Metës shkeli Kushtetutën, teksa nuk respektoi radhën për emërimet në Gjykatën Kushtetuese.

Po ashtu gjatë ditës së djeshme, Presidenti Meta zhvilloi takim dhe me kreun e opozitës Lulzim Basha, të cilit i bëri të ditur provat e asaj që ai e quan grusht shteti nga ana e mazhorancës.