Më 15 prill 2017, mësuesit e sistemit parauniversitar do i nënshtrohen provimit të kualifikimit. Të drejtën për të hyrë në këtë provim e kanë ata mësues që deri më 31 dhjetor të vitit paraardhës kanë plotësuar kushtin e vjetërsisë në punë. Përkatësisht: 5 vite punë për “mësues i kualifikuar”, 10 vjet për “mësues specialist”, 20 vite punë për “mësues mjeshtër”.
“Testi i provimit të kualifikimit përbëhet nga dy pjesë: Pjesa e parë përmban pyetjet mbi dokumentet zyrtare që kanë të bëjnë me veprimtarinë e mësuesve, programet përkatëse lëndore, metodologjinë e mësimdhënies dhe të nxënies, në përgjithësi dhe të lëndës, etikën dhe komunikimin e mësuesit në institucionin arsimor, aspekte të drejtshkrimit të gjuhës shqipe, si dhe të tjera, që përcaktohen në udhëzimin vjetor përkatës. Pjesa e dytë përfshin përmbajtjen shkencore të lëndës sipas programit të kualifikimit përkatës.”, shkruan “GSH”.
Provimi do të zhvillohet me shkrim në një ditë për të gjithë arsimtarët, konkretisht në datën 15 [rill 2017, në orarin 10:00-12:30.
Rezultatet pozitive do të kushtëzojnë rritjen e pagës sipas vjetërsisë së punës nga 5 në 10 dhe 20 për qind për të gjithë arsimtarët që marrin pjesë në këtë testim.
Shtesa e pagës që do përfitojnë mësuesit është mbi pagën bazë dhe jo mbi pagën bruto, pra varion nga rreth 700 në 2.800 lekë shtesë në bazë të kategorisë. (XH.A/SHUPLAKA)
Discussion about this post