Provohen më në fund akuzat për trafik ndërkombëtar droge për dy shqiptarët, dhëndër e nip, të cilët u arrestuan dy vjet më parë nga policia italiane.
Bëhet fjalë për Vladimir Carën dhe vjehrrin e tij italian, Aldo Conti. Këta janë arrestuar në një operacion të madh policor në vitin 2015 në Leço.
Ata kishin nën pronësi një rrjet picerish me emrin “Aldo” më së shumti në Italinë Veriore. Përmes saj ata kryenin trafikun e kokainës.
Mediat italiane shkruajnë se droga vinte direkt nga Holanda dhe Spanja. Conti sigurohej për drogën në Spanjë, ndërsa Cara kishte lidhjet e tij në Holandë.
Sipas të dhënave të prokurorisë italiane, Carës i janë gjetur plot 5 mln euro pasuri e pajustifueshme, 8 apartamente, 5 garazhe, 2 magazine dhe 3 vila luksoze.Madje ai figuron me mbi 60 llogari bankare dhe 5 firma private fantazmë. (D.D/Shuplaka)
