Incidenti me flamurin shqiptar nga një grup tifozësh kroatë ka bërë xhiron e rrjetit. Por, i menjëhershëm ka qenë reagimi i medieve serbe, të cilat sërish përdorën një gjuhë etiketuese për shqiptarët dhe simbolet e tyre.
Media serbe shkruan se shqiptarët në rrugët e Austrisë tentuan t’i vidhnin festën kroatëve, pas kalimit në finalen e Kupës së Botës, por e vërteta është krejt tjetër. Ngjarja në fjalë nuk ka ndodhur mbrëmë, por në ndeshjen kur Kroacia kaloi në gjysmëfinale nga pika e bardhë e penalltisë me Rusinë.
“Kurir.rs” shkruan se shqiptarët tentuan t’iu vidhnin festën kroatëve, por një nga tifozët kroat e merr dhe e lëshon përtokë simbolin kombëtar të Shqipërisë. Shkrimi i saj shkon më tej, ku thekson një grup shqiptarësh kanë tentuar të provokojnë dhe t’iu marrin famën kroatëve.
