Kreu i Këshillit Kombëtar në PD, Edi Paloka, në një intervistë për Fax News, ka folur në lidhje me protestën që do të mbahet nesër në Tiranë, përpara kryeministrisë. Paloka u shpreh se në protestë duhet të dalë çdokush që ndihet i vjedhur dhe i dhunuar nga qeveria, ndërkohë që akuzoi Bordin e Transparencës dhe Komitetin e Ekpertëve, që po manipulojnë shifrat duke i shërbyer Edi Ramës.
“Ne duhet ti tregojmë kësaj qeverie që nuk mund të tallet më as me opozitën, as me popullin, as me bizneset, as me studentët dhe as me shtresat në nevojë. Dalja në protestë ka vlerë për çdokënd, ndaj edhe slogani ynë është ‘çmë duhet mua’, se njerëzit presin ta tiu vijë radha që tiu ndodhë fatkeqësia.
Edhe atëherë kur gjërat për familjen tonë nuk janë aq keq sa duket, duhettë shohim situatën e të tjerëve, ju e keni parë se kush ka dalë kundër protestës sonë, dhe të keni një arsye më tepër për të dalë.
Jo vetëm bordi hajdut i çmimeve, por sot është zgjuar dhe komiteti i ekspertëve të Covidit, papritur kanë dalë me shifra alarmante. Fakti që i kanë ulur çmimet e naftës për shkak të protestës, tregojnë se janë një grup njerëzish të pafytyrë, ne nuk duhet të ngelemi më në dorë të këtyre qenieve.
Frika e Ramës për protestat është e njohur, fakti që ka futur këto grupe shërbëtorësh për të ulur frymën e kësaj proteste, janë një veprim i njohur i tij”, tha Paloka.
Deputeti i PD-së tha se demokratët nuk kanë pritshmëri që qeveria Rama të rrëzohet nesër, ama 7 Korriku sipas tij do të shërbejë si pikënisje për këtë qëllim, në mënyrë që vendit ti hapet rruga për mbajtjen e zgjedhjeve të lira.
Paloka i quajti ‘prostituta politike’ të gjithë zërat që kanë dalë kundër protestës, me pretendimin se ajo po bëhet për të mbrojtur interesat personale të Sali Berishës.
“Ne nuk kemi thënë që në 7 Korrik do të bjerë qeveria, se do të genjenim veten dhe shqiptarët, 7 Korriku është një datë për të treguar se kush jemi, nëse deri dje protestat bëheshin sa për shou, këtë radhë jam i bindur se në 7 Korrik fillon rruga jonë, për largimin e Edi Ramës dhe për ti hapur rrugën zgjedhjeve të lira në këtë vend.
Bëhet fjalë për të larguar një qeveri, që nuk lejon mbajtjen e zgjedhjeve të lira.
Unë në fakt kur iu thashë se kush ka dalë kundër protestës, disa prostituta politike të rilindjes, spiun të sigurimit të shtetit të djeshëm, dhe spiunë të sotëm. Disa që kanë marrë votat e demokratëve dhe janë shitur te Rama, unë dëgjoja që protesta e 7 Korrikut po bëhet kundër luftës në Ukrainë, e kuptoni ju se çfarë sharlatanësh janë? Janë lloj lloj idiotësh që Rama i ka futur në këtë lojë, që këpusin lloj lloj budalliqe.
Vetë Alibeu thoshte se protesta bëhet kundër tij dhe kundër PD, e kupton ti se në çfarë pike kemi arritur, Elisa Spiropali flet me gjuhën e Enkelejd Alibeajt”, u shpreh Paloka.
(E.K/Faxweb.al)
Discussion about this post