Me certifikimin e rezultateve të zgjedhjeve të 11 majit, kryeministri Rama ka mirëpritur në Pallatin e Brigadave ekipin e deputetëve të rinj që do të jenë pjesë e Kuvendit në 4 vitet e ardhshme.
“Unë me disa të tjerë këtu e kemi parë këtë familje të madhe të tonë në dëshpërim dhe në lumturi, përtokë dhe në fluturim. Kur kjo parti ka qenë mirë, Shqipëria ka qenë mirë dhe sa më mirë ka qenë partia, aq më mirë ka qenë Shqipëria.
Kjo është historia e të gjitha viteve të ekzistencës së PS. Të tjerët nuk duan ta pranojnë realitetin e fakteve dhe kjo i ka bërë humbës kronik dhe Shqipërinë e ka lënë pa një alternativë sfiduese. Ata janë futur në spirale dhe jetojnë në univers paralele që Shqipëria që përparon është propagandë, ndëkrombëtarët janë të shitur, vendin e zhvillon krimi, zgjedhjet i fitojnë ata ndërsa ne jemi të vjedhur.
E vërteta është që ne nuk kemi asnjë zhgënjim, avazi është i njëjti siç e kemi pritur dhe siç e parashikova unë. Ne morëm frutet e një pune të gjatë, dërmuese, të programuar në një kalendar qysh pas fitores së zgjedhjeve vendore në çdo territor.”
