PS e PD harrojnë sharjet, bëhen bashkë, votojnë pro me 108 vota për ndryshimet e Kodit Zgjedhor

Parlamenti ka miratuar me 108 vota pro ndryshimet në Kodin Zgjedhor.

Pavarësisht retorikës akuzuese ditën e sotme, nuk u la pas dore rendi i ditës, me ndryshimet në Kodin Zgjedhor për të lehtësuar procedurat e votimit të emigrantëve.

Ne kuvend debatuan per zhvillimet politike duke mos i kursyer akuzat ndaj njeri-tjetrin, pro per ndryhsimet ne kodin zgjdhor, forcat politike harruan sharjet dhe me 108 vota miratuan ndryshimet ne kodin zgjedhor. Paketa e ndryshimeve ligjore u votua në teresi me 108 vota pro, asnjë abstenim dhe asnjë kundër, pas një mirëkuptimi mes dy forcave më të mëdha politike, dhe hyn në fuqi menjëherë. Ndryshimet ligjore sigurojnë mbulimin e gjithë shpenzimeve postare për çdo fletë votimi nga jashtë vendit, si dhe numërimin e tyre nga një komision dypartiak.

Kuvendi shqyrtoi përsëri sot dhe miratoi në seancë plenare një paketë ndryshimesh ligjore të dakordësuar mes forcave kryesore politike në Kodin Zgjedhor, të cilat e lehtësojnë më tej votimin e shqiptarëve nga jashtë vendit prej nga ata jetojnë.

Këto ndryshime ulin në zero pagesat nga qytetarët dhe sigurojnë një mbulim të plotë sa u takon shpenzimeve postare për votat nga jashtë.

Një tjetër ndryshim ligjor siguron numërimin e votave që do të kthehen nga posta prej një komisioni të balancuar dypartiak.

Po ashtu mirëkuptimi është arritur edhe për sa i takon shkurtimit të afateve për regjistrimin e partive politike dhe kandidatëve në garë, në mënyrë që të fitohen ditë për prodhimin e fletëve të votimit, që do të nisen me postë jashtë vendit dhe të kthehen në kohë pranë KQZ-së.