PS i mbyll derën Dakos, Sejdinit, Mziut dhe Ismailit të Vorës, ja çfarë do ti kërkojë KQZ-së

Partia Socialiste njofton se kjo forcë politike do ti kërkojë KQZ-së mos pranohet kandidatura e asnjë kryebashkiaku që ka tre mandate në detyrë.

Kërkesa pritet të parashtrohet sot në mbledhjen e KQZ nga PS, duke bërë që të mbesin jashtë rikandidimit disa prej kryebashkiakëve që kanë më shumë se tre mandate në detyrë.

Mes tyre janë dhe Vangjush Dako i Durrësit, Qazim Sejdini i Elbasanit, Xhelal Mziu i Kamzës apo Fiqiri Ismaili i Vlorës. Kujtojmë se derimë tani nga emrat që preken nga ky ndryshim vetëm Qazim Sejdini ka konfirmuar se nuk do të rikandidojë. (LEXO EDHE KËTU) 

Zëvendësimi i tyre duket se do të sjellë jo pak shqetësim te partitë politike, pasi roli dhe pushteti i tyre në qytetet ku kanë drejtuar për tre mandate është mjaft i madh.

Derimë tani zgjedhjet e caktuara që do të mbahen në 30 Qershor janë vënë jo pak në pikëpyetje për shkak të klimës mjaft të ngarkuar politike.

Në asnjë prej qyteteve nuk kanë dalë kandidatë zyrtarë, edhe pse disa deputetë e kanë bërë pothuajse zyrtar kandidimin e tyre, siç është rasti i Pjerin Ndreut në Lezhë, apo i Rakip Sulit në Kamëz.

(E.K/FAXWEB.AL)