E diela e sotme nuk do të jetë dhe aq e qetë përsa i përket zhvillimeve politike. Partia Socialiste do të mbledhë sot Asamblenë e saj Kombëtare.
Ashtu siç ishte parashikuar, Asambleja do të mbahet në në orën 09:30, në pallatin e sportit “Asllan Rusi” në kryeqytet, për përgatitjet e fushatës elektorale në prag të zgjedhjeve parlamentare të 18 qershorit.
Përmes një njoftimi pak ditë më parë, PS bëri me dije se të dielën do të zhvillohej mbledhja e zgjeruar e Asamblesë Kombëtare për përgatitjet e fushatës elektorale.
Procedurat partiake sanksionojnë që në mbledhjen e Asamblesë Kombëtare, të miratohet zyrtarisht rendi i ditës së punimeve të kongresit elektoral. Forumi më i lartë vendimmarrës në PS, përkon me mbylljen e kësaj legjislature dhe nisjen zyrtarisht të fushatës zgjedhore.
Duhet thënë se dhe pak muaj na ndajnë nga fushata zgjedhore në rast se në 18 qershor zgjedhjet do të mbahen dhe nuk do të shtyhen. (E.K/SHUPLAKA)
