Ministrat Damian Gjiknuri, Mirela Kumbaro dhe drejtuesi politik Bledi Çuçi, kanë zhvilluar së fundmi takime me strukturat e Partisë Socialiste në emigracion. Në qendër të takimeve të tyre kanë qenë reforma në drejtësi, protesta e opozitës dhe koalicioni me LSI-në.
Në takimin me emigrantët në Greqi, ministrat renditën edhe projektet e qeverisë, për të cilat ka nisur edhe implementimi në terren, përcjell “TCH”.
Në fjalën e tij, ministri Gjiknuri komentoi protestën e opozitës dhe “Zgjidhjen” e ish-deputetit Kokëdhima.
“Ka forca që duan ta pengojnë këtë zhvillim. Ju e shikoni, ata që janë mbyllur në çadër kanë një mesazh të qartë politik. Mesazhi është ta pengojnë rrugën europiane të Shqipërisë, të bëjnë atë që s’ka ndodhur ndonjëherë, kur humbësi apo ai që ndien se ka humbjen, i thotë tjetrit se nuk do të hyjë në garë, por të ikë ai, që të vijë ky”, mësohet të jetë shprehur ministri i Energjetikës.
(XH.A/SHUPLAKA)
