Partia Socialiste ka nisur një sulm të koordinuar kundër kryetarit të PD-së , Lulzim Basha.
Që prej nisjes së debatit politik për çështjen e lobimit rus në ShBA për llogari të PD-së, socialistët janë investuar në reagime dhe konferenca për mediat.
Pas Taulant Ballës, sot në konferencë ka dalë deputeti socialist, Ulsi Manja.
Manja i kërkoi në emër të socialistëve llogari Bashës lidhur me çështjen e lobimit rus.
Manja tha se Basha duhet të mbajë përgjegjësi për kontratën me Binniata Trade nëse ka patur tradhti kombëtare.
“Lulzim mos u fshih po duku, se sot të takon të përgjigjesh para opinionit publik, nesër par ligjit: A kishte pagesa te tjera? Kush janë ata që kontakt me Lulzim Bashën dhe flasin në emër të rusëve? Gjatë negociatave Basha ishte vetë apo dikush tjetër negocioi në emër të tij? A ka të tjerë brenda Partisë Demokratike që janë në dijeni të kësaj? Përveç rusëve, sa para të tjera me prejardhje ruse janë përdorur gjatë fushatës? A ka ndonjë xhep në Filadelfia të SHBA ku Luli fuste dorën? Çfarë u premtoi Basha rusëve në këmbim?” – tha Manja.
(F.G/Faxweb.al)
