Partia Socialiste ka nisur punën për organizimin e strukturave bazë për zgjedhjet vendore të 30 qershorit.
Në një takim me anëtarët e kësaj partie ne Elbasan Kryetari i grupit Parlamentar për PS-në, Taulant Balla tha se tashmë partia e tij ka hyrë në fazën përgatitore të fushatës zgjedhore duke cituar se:
Diferenca jone me kundershtarët politike eshte e madhe. Ne kemi plot modele te qeverisjes vendore.
Gjithashtu në fjalën e tij Balla është ndalur gjatë dhe tek aksioni më i fundit politik i opozitës, ai i djegies së mandateve:
“Shqiptarët në 2017 na dhanë një mandat për të cuar perpara Drejtësinë e Re. Bojkoti i radhes i PD dhe LSI i maskuar si djegie mandatesh është përpjekja e radhës për të bllokuar SPAK dhe BKH. Të enjten ne votojmë në seancë plenare strukturat e KLGJ dhe KLP.
Kjo sjellje është e papranueshme nga partnerët tanë ndërkombëtarë, të cilët nuk mbështesin as metodat e dhunshme dhe as këtë lloj retorike. Debati politik duhet të ndodhë brenda institucioneve shtetërore, pikë së pari brenda Parlamentit. Asnjë parti politike në Shqipëri nuk ka të drejtë të dëmtojë perspektivën europiane të Shqipërisë“.
Discussion about this post