Në një deklaratë publike, këshilltarët e Këshillit Bashkiak Kukës, janë bërë bashkë kundër taksës së Rrugës së Kombit.
Këshilltarët i kanë kërkuar qeverisë Rama heqjen e kësaj takse, në të kundërt, ata do të dalin në protestë së bashku me qytetarët e Kukësit.
“Së bashku, pa dallim politik, në mbështetje të interesave jetike të banorëve të Kukësit, por dhe si përfaqësues të zgjedhur të tyre, i kërkojmë kryeministrit të Qeverisë Shqiptare dhe Kuvendit të Shqipërisë, të anulohet taksa koncensionare në Rrugën e Kombit, rrugë e ndërtuar nga taksapaguesit shqiptarë.
Nese qeveria hesht përsëri, ne jemi të vendosur që së shpejti (këto ditë) të njoftojmë datën e fillimit të protestës në krye të qytetarëve kuksianë.
Ne këshilltarët e Bashkisë Kukës, ftojmë institucionet vendore dhe të zgjedhurit lokalë në të gjithë Qarkun Kukës (Kukës,Has,Tropojë), të jemi bashkë deri në realizimin e kërkesës sonë të ligjshme.”- thuhet në deklaratën e përbashkët të këshilltarëve Bashkiakë të Kukësit.
(E.L/Faxweb)
