Kryesia e Partisë Socialiste, e mbledhur ditën e sotme, ka shkarkuar ish-deputetin Koço Kokëdhima nga posti i sekretarit për Reformën Strukturore dhe Emigracionin në PS.
Kokëdhima më parë ka mbajtur edhe postin e koordinatorit, por është shkarkuar nga ky post kohë më herët.
Tashmë, ish-deputeti mbetet vetëm anëtar i Asamblesë, në të cilën është zgjedhur me votim.
Për të zëvendësuar Kokëdhimën në postin e sekretarit të Reformës Strukturore është propozuar Stefan Çipa, zv/ministër i Brendshëm dhe ish-kryetar i Bashkisë së Sarandës.
Që pas humbjes së mandatit të deputetit, raportet mes Koço Kokëdhimës dhe Edi Ramës janë ftohur së tepërmi, edhe pse të dy e kanë mohuar diçka të tillë.
