Këtë të premte pritet që mazhoranca të miratojë kërkesën për të thërritur djalin e ish-kryeministrit Berisha në Komisionin Hetimor për CEZ, referuar një portalin online. Kërkesa një ditë më parë e anëtarëve të Partisë Socialiste në komision ka shkaktuar tension gjatë mbledhjes duke përfunduar me largimin e demokratëve.
Deputeti i PS-së, Ervin Koçi, shprehu nevojën për të thirrur në Komisionin Hetimor për CEZ, Shkëlzen Berishën, pasi emri i tij ka dalë në e-mailet e drejtuesve të CEZ, si dhe është përmendur nga juristi i OSHEE-së, Romeo Kara.
Por kjo kërkesë e socialistëve është cilësuar si qesharake nga ana e nënkryetarit të komisionit, Arben Ristani, i cili u shpreh se se në e-maile nuk doli në asnjë moment emri i Shkëlzen Berishës, por vetëm flitej për dikë që cilësohej si “i biri”.
“Në rast se do të vijmë në këto nivele, mund të thërrasim këtu dhe djalin e Kryeministrit të sotëm, ose të bijtë e kujtdo tjetër, dhe ta bëjmë qesharake deri në fund këtë histori”, u shpreh një ditë më parë Ristani.
Pas kërkesës së Koçit, Taulant Balla i kërkoi që kërkesën ta paraqesë me shkrim. (XH.A/SHUPLAKA)
Discussion about this post