Ish-drejtoresha e Arsimit në Lushnjë, Liza Tabaku, flet nga burgu për akuzat ndaj saj për korrupsion. Në një intervistë për Enkel Demin në RTSH, Tabaku ka deklaruar se akuzat ndaj saj vijnë për shkaqe politike.
“Them me vete si ka mundësi që çdo drejtor që arrestohet është i LSI-së. Ja shikoni në Lushnje. U arrestuan një ish-drejtor i Hipotekës dhe një ish-shef i emergjencave civile që vdiq në burg dhe këta kanë qenë të LSI-së, si edhe plot të tjerë.”, është shprehur ish-drejtoresha.
Ajo është dënuar pas skandalit për favore seksuale në këmbim të vendeve të punës. Tabaku tha se djali i saj u kap me paratë e një mesuesi, mirëpo sipas ish-drejtoreshës ajo nuk kishte lidhje me ngjarjen. (D.D/Shuplaka)
